Queensland Motor Vehicle Accident (CTP) Claims – Mga dapat alamin

Sa Queensland, ang Motor Accident Insurance Act 1994 ay nagbibigay ng sistema ng kompensasyon para sa mga taong napinsala sa mga aksidente sa sasakyan

Paunang hakbang

Kaagad na makalipas ang isang aksidente, mahalaga na tumawag sa pulisya kung mayroong nasaktan, kung mayroong pinsala sa ari-arian, o kung ang ibang driver ay hindi huminto o nagbigay ng kanilang mga detalye. Ito ay isang paglabag na umalis sa aksidente nang hindi nagpapalitan ng kaugnay na impormasyon sa ibang mga partido na kasangkot sa aksidente. 

Sumunod, mahalagang magpakonsulta sa doktor ang sinumang nasangkot sa isang malubhang aksidente, dahil maaaring hindi kaagad malaman ang lawak ng kanilang mga pinsala. Ito rin ay magbibigay ng kasalukuyang talaan ng anumang mga pinsala na natamo ng isang tao sa panahon ng aksidente. 

Common Law Motor Vehicle Accident Claim

Lahat ng may-ari ng sasakyan sa Australia ay kinakailangang magkaroon ng compulsory third-party (“CTP”) insurance laban sa pananagutan sa pagkamatay o personal na pinsala ng iba na nagmula sa mga aksidente sa sasakyan. 

Kung ang isang tao ay dumanas ng personal na pinsala dahil sa kapabayaan ng nagmamaneho ng hindi nakikilalang o hindi naka-insured na sasakyan, maaaring maghain ng claim laban sa Nominal Defendant. Kung hindi naka-insured ang sasakyan, ang aksidente ay kinakailangan na mangyari sa kalsada o pampublikong lugar upang managot ang Nominal Defendant. 

Batay sa Motor Accident Insurance Act 1994 (Qld), ang isang tao ay maaaring makatanggap ng kompensasyon sa pamamagitan ng negligence claim para sa personal na pinsala o maling pagkamatay. Ang isang tao ay maaaring maghain ng common law motor vehicle accident claim kung: 

Sila ay dumanas ng pinsala;  

  • Ang kanilang pinsala ay dahil sa kapabayaan ng ibang driver; at 
  • Ang aksidente ay naganap sa Queensland. 

Mga halimbawa ng kapabayaan ng driver ay kinabibilangan ng: 

  • Pagkakaroon ng epekto ng droga at alak; 
  • Fatigue 
  • Overspeeding 
  • Pagkaka-distract (manual distraction (tulad ng pag-teks), visual distraction (panonood sa screen sa halip na sa kalsada), o cognitive distraction (pakikipag-usap sa iba, kahit na ito ay hands-free device); at  
  • Tailgating 

Ukol sa pinsalang naranasan, ang isang taong nabiktima ay maaaring maghain ng mga pananagutan gaya ng: 

  • gastos sa pagpapagamot; 
  • gastos sa rehabilitasyon; 
  • nawalang pinagkakakitaan (nakaraan at sa hinaharap); 
  • gastos sa pag-aalaga at suportang serbisyo; at 
  • pangkalahatang pinsala (sakit at kahirapan).

National Injury Insurance Scheme

Noong 2016, ipinakilala ng Pamahalaan ng Queensland ang National Injury Insurance Scheme (Queensland) Act 2016 (Qld). Ang batas na ito ay nagtatag ng sangay ng Queensland ng National Injury Insurance Scheme. Layunin ng programang ito na magbigay ng habambuhay na pagpapagamot, pag-aalaga at suporta sa mga taong dumanas ng malubhang pinsalang pisikal, anuman ang dahilan nito. 

Sa kasalukuyan, ang Scheme na ito ay nag-aapply lamang sa partikular na malubhang pinsalang pisikal na nakuha sa mga aksidente sa sasakyan. 

Limitasyon sa Oras

Sa Queensland, mayroong tatlong (3) taon mula sa petsa ng insidente ang isang tao upang mag-umpisa ng kaso kaugnay ng aksidente sa sasakyan. Sa kakaibang mga sitwasyon lamang maaring mapalawig ang limitasyon ng oras na ito. 

Mayroon ding karagdagang panahon na dapat tandaan kapag naglalayong maghain ng kaso laban sa Nominal Defendant para sa mga aksidente na kasama ang isang hindi kilalang sasakyan. Kaya’t mahalagang humingi ng legal na payo kaagad pagkatapos ng isang aksidente. 

Si Emily Wright at ang kanyang koponan ay mga dalubhasang abogado sa personal injury na maaaring tumulong sa inyong mga kaso sa ilalim ng ‘No Win No Fee’ na batayan. Kung nais ninyong magtanong tungkol sa personal injury claim, mangyaring makipag-ugnayan kay Emily Wright at sa Littles Lawyers ngayon. 

Like? Share it with your friends.

Contact the Author

Topics

More Articles