NSW Worker’s Compensation: Dapat ba akong maghain ng Worker’s Compensation claim kapag ang aking employer ay nagbabayad para sa aking physiotherapy

Sa kasamaang-palad, madalas na naliligaw ng landas ang napinsalang manggagawa kapag ginagawa iyon ng kanilang employer at pakiramdam nila ay hindi na nila kailangan pa na maghain ng claim dahil inaalagaan naman sila.  Kadalasan, hindi sinasabi ng employer ang buong karapatan ng napinsalang manggagawa sa ilalim ng NSW workers compensation scheme.   

Bilang karagdagan sa pagkakaroon ng bayad sa iyong sahod, responsibilidad din ng insurer na magbayad para sa kinakailangang mga gastos para sa pagpapagamot.  Ang mga konsultasyon sa GP at physiotherapy ay madalas na panimulang punto ng isang plano sa pagpapagamot, gayunpaman, depende sa iyong mga pinsala at kalubhaan nito, maaaring mangailangan ka ng mga espesyal na gamutan tulad ng konsultasyon sa isang Orthopaedic Surgeon, Neurosurgeon, o sumailalim sa MRI scans.  Sa ilang mga pagkakataon, maaaring kailanganin mo na dumalo sa isang pain management clinics, upang maturuan ka sa kung paano pamamahalaan ang iyong sakit.  Nakakita kami ng ilang mga claim na kung saan inaprubahan ng insurer ang isang therapy dog para sa isang manggagawa na nagtamo ng sikolohikal na pinsala na may kaugnayan sa trabaho.  Sigurado ako na wala pang nakapagsabi sa’yo tungkol dito.