Bakit Kinakailangan ng Life Insurance

Ang life insurance ay nagbibigay ng pinansiyal na proteksyon para sa mga mahal sa buhay ng isang indibidwal sa kaganapan ng kanilang hindi inaasahang kamatayan. Bagama’t maaaring hindi ito isang bagay na gustong isipin ng mga tao, ang katotohanan ay walang sinuman sa atin ang nakakaalam kung kailan darating ang ating panahon at ang pagkakaroon ng life insurance policy ay makapagbibigay ng kapayapaan ng isip at pinansiyal na seguridad para sa ating mga mahal sa buhay.

Narito ang limang dahilan kung bakit dapat isaalang-alang ang pagbili ng life insurance

:

1. Para tustusan ang mga pinansiyal na pangangailangan ng iyong pamilya. 

Isa sa mga pangunahing dahilan kung bakit bumibili ang mga tao ng life insurance ay upang matiyak na ang kanilang mga mahal sa buhay ay hindi mahihirapan sa gastusin kung sakaling sila ay pumanaw. Ang life insurance ay maaaring magbigay ng mapagkukunan ng pondo upang bayaran ang mga hindi pa nababayarang utang at mga pang-araw-araw na gastusin, tulad ng mga pagbabayad sa mortgage, upa, at iba pang mga bayarin. 

2. Para mabayaran ang mga gastusin sa libing. 

Maaaring malaki ang kailangan gastusin sa pagpapalibing at maraming tao ang walang pondong nakalaan upang matustusan ito. Ang isang life insurance policy ay maaaring magbigay ng lump sum na kabayaran upang mabayaran ang mga gastusin sa pagpapalibing at tiyakin na ang iyong mga mahal sa buhay ay hindi kailangangang mamroblema pa. 

3. Para mabayaran ang mga utang. 

Kung mayroon kang mga hindi pa nababayarang utang o mortgage sa oras ng iyong pagpanaw, ang iyong mga mahal sa buhay ang may pananagutan sa pagbabayad sa mga ito. Ang isang life insurance policy ay maaaring magbigay ng pondo na kinakailangan upang mabayaran ang mga utang na ito at magbigay ng pinansiyal na seguridad para sa iyong mga mahal sa buhay. 

4. Para mag-iwan ng financial legacy. 

Bilang karagdagan sa pagbibigay ng pinansyal na proteksyon para sa iyong mga mahal sa buhay, maaari ring gamitin ang life insurance policy upang mag-iwan ng financial legacy. Maaari mong gamitin ang mga nalikom mula sa iyong life insurance policy upang mag-donate sa mga mga institusyong pangkawanggawa o mamuhunan sa negosyo. 

5. Para magbigay ng kapayaan ng isip. 

Ang pagkakaroon ng isang life insurance policy ay maaaring makapagbigay ng kapayaan sa isip (peace of mind) dahil may seguridad pang-pinasyal ang iyong mga mahal sa buhay kung sakaling ikaw ay pumanaw. Ikaw ay makakatulog ng mahimbing dahil tiwala ka na ginawa mo ang mga nararapat na hakbang upang maprotektahan ang kinabukasan ng iyong pamilya.